AMP NI dedika poema ba MARXAMOR

HATEKE HO MATAN-SORIN

Ema barak dehan ó la di'ak

Hodi tesi-lia ba ó nia diak

Daduur ó ho lia bobar

Falun ó ho lia hotar

Hodi hateke ó ho matan-sorin

Ó nia matan-been turuk la ho liafuan

Basa ó nia sakrifisiu todan liu atu hatutan

Kanek barak hafutar ó nia fuan

Ha'u hatene tanba sá o la dehan

Sira la hatene tanba lakohi buka hatene

Basá matenek maibé delek

Kakutak nurak maibé tebe retek lerek

Husar sei bokon maibé loko-an la natoon

Keta hateke ho matan-sorin

Tanba sukat deit tuir imi hanoin

Hodi buka naran morin

iha povu inosente nia oin

Keta hateke ho matan-sorin

Basá imi nia kbiit ladauk metin

Imi nia hanoin ladauk luan

Ha'u duni mak sei foti ó

Ha'u duni mak sei tane ó
ó mak kore ami husi nakukun

ó mak lori ami ba naroman.

Husi: amp ni

Presidente AMP Xanana Gusmao ba ONU

AMP NI (20/04/18) – Presidente Aliansa Mudansa ba Progresso (AMP) Kay Rala Xanana Gusmao sai hanesan konvidadu no orador spesial husi Timor Leste ba encontro "alto nivel" iha NACOES UNIDAS, Nova Iorque, iha loron 24 no 25 fulan Abril 2018 kona ba "Rekonstrusaun ba Paz Sustentavel..." 

Tuir porta-voz Sekretario Geral ONU nia konfirmasaun katak Antonio Guterres marka ona agenda ida ho Negosiador Principal ba Fronteira Maritima Timor Leste nian, Kay Rala Xanana Gusmao ba tersa-feira, 24 Abril 2018. Ex-Chefe de Estado ne'e nia presensa iha encontro hanesan mos enviado spesial no porta-voz husi nasaun post-conflito sira nebe halo parte G7+ iha Asia no Africa. Nasaun hirak ne'e komunga mos prinsipio "goobye conflict, welcome development" nebe Timor Leste adopta iha 2010. 

Antonio Guterres ho Xanana Gusmao kompromete atu hasouru malu iha loron 6 fulan Marsu wainhira Timor Leste ho Australia ba assina tratadu foun kona ba Fronteira Maritima nian maibe sucessor Nicolao Lobato ne’e kansela tiha encontro ne'e, tan iha mos agenda Internasional seluk, ba encontro ida iha Sierra-Leoa, Africa Ocidental iha loron hanesan.

Xanana Gusmao ba ONU iha Nova Iorque atu partisipa iha reuniaun "alto nivel" ho tema  “Konstrusaun ba Paz Sustentavel” nebe sei halao iha loron rua, Tersa no Quarta. Debate ka haksesuk malu iha loron rua ne’e engloba mos eventos seluk nebe hetan promosaun husi Presidente ba 72 Sessaun Assembleia Geral ONU nian Miroslav Lajcak nebe konsidera katak “Konstrusaun ba Paz Sustentavel” sai hanesan prioridade iha mundu atual.

Tuir agenda ofisial ONU nian hateten katak encontro ne’e nia objetivu atu “avalia servisu ONU nian sira uluk no buka halibur visaun foun atu reforsa knar ONU nian iha konstrusaun ba Paz sustentavel” iha raiklaran.

Encontro ne’e sei hahu ho intervensaun Lajcak no Antonio Guterres. hafoin, Sekretario Geral ONU sei hola parte iha almosu “alto nivel” iha tersa-feira hodi assiste diretamente intervensaun Presidente AMP, Kay Rala Xanana Gusmao no Senhora Mary Robinson, ex-Presidente Irlanda nebe sai nudar konvidadu no orador spesial iha sorumutu ne'e.

Iha agenda ne’e preve mos encontro seluk kona ba “reconciliasaun no lideransa ba prevensaun konflitu no paz Sustentavel” misaun Permanente Timor Leste ho Indonesia iha ONU mak promove...

Ho encontro ne’e, Taur Matan Ruak, Naimori no Estrutura tomak AMP Nasional mak sei koordena atividade kampanya iha semana ne'e, tan komandante da luta Kay Rala Xanana Gusmao sei la hola parte iha komisio ba Eleisaun Parlamentar Antesipadas (EPA) hahu husi komisio iha Munisipio Liquisa to'o 27 Abril 2018.

Partidu walu no koligasaun politika sira hahu kampanya ba EPA iha 10 Abril 2018 no sei remata iha 10 Maio, loron rua molok votasaun. AMP halo kampanya intensa no ativa semana rua ona, hahu husi Ainaro, Suai, Bobonaro, Ermera, Same, Aileu to’o iha Minusipio Liquisa lao diak teb-tebes no simu deit mak apoio husi organizasaun oi-oin, inklusive partidos politikus no ema barak mos halo afiliasaun ba AMP. 

Jose Luis Guterres apoia AMP

Ermera,16/04/18 – Jose Luis Guterres (LUGU), politku no diplomata, Membro Comite Central Fretilin nebe dada-an husi Congresso iha tinan 2006 no ikus mai kria Partidu Frente – Mudansa hodi halai taru iha eleisaun Parlamentar 2012, hi’it-an ba iha Gleno, Ermera hodi deklara apoio tomak ba komandu da luta, Kay Rala Xanana Gusmao no Taur Matan Ruak ho sira nia alin Naimori liu husi Aliansa mudansa ba Progresso (AMP).

LUGU, halo parte frente diplomatika no moris iha diaspora liu tinan rua nulu resin haat. Diplomata ne’e discorda ho deklarasaun ninia kompaneiro sira iha Partidu Fretilin wainhira dehan “hau mak fundador” ne’e significa la valoriza luta nain sira seluk, liu-liu, Xanana Gusmao no Taur Matan Ruak. 

Processo luta ba ukun-an ne’e naruk no kompleksu. Ema barak teb-tebes husi setor hot-hotu mak hola parte iha processo ne'e. Ita sura la hotu.  Wainhira baze Fretilin rahun, mosu Figura hanesan “Xanana” hodi dirige luta to’o iha loron Referendum. 

Lider ida ne’e hamutuk ho lider sira seluk  iha visaun extraordinaria hodi hateke nafatin ba oin, hasouru circumstancias oi-oin ho hamosu mos Estrategia oi-oin hodi halibur, movimentu sira seluk hamutuk iha estrutura supra-partidaria ida nia mahon hodi manan Referendum 30 de Agostu 1999.

Durante iha liur, LUGU sai nudar representante nao reconhecido  Timor Leste nian iha fatin sira hanesan, Angola, Mozambique no Nacoes Unidas. Hafoin liu tiha Restaurasaun INdependencia iha 20 de Maio 2002, Lugu hetan kargu hanesan Embaixador Timor Leste nian ba Estados Unidos (USA) no ba Nacoes Unidas (UN). 

Iha era ukun-an, diplomata ne'e assume mos kargu hanesan Ministru Negosios Estrangeiros no Vice Primeiro - Ministro ba Assuntos Sociais iha AMP - Aliansa Maioria Parlamentar nia tempo no ikus hakotu koligasaun ho CNRT hodi loke dalan ba Partidu Fretilin hola parte iha Governu iha 2015.  

Diplomata ne’e mos dehan katak nia la sai husi Fretilin. Nia gosta liu Fretilin Nicolao Lobato, Fretilin Sahe no Fretilin Xanana Gusmao nian. 

Aliansa Mudansa ba Progresso (AMP) hahu kampanha ba Eleisaun Parlamentar Antesipadas (EPA) iha Ainaro, Suai, Bobonaro no Ermera hodi hato'o programa eleitoral no mos hodi simu personalidades no organizasoes nebe mai deklara apoio tomak ba AMP...

Bem-vindo a casa da DEMOKRASIA. Viva Timor Leste, Viva AMP, Viva Marxamor 

NOTA EDITORIAL

Estimados leitores AMP

Antao Aparicio Guterres

Koordenador AMP Norte Irlanda

Estrutura Aliansa ba Mudansa no Progresso (AMP) iha Norte Irlanda kria blog ne’e ho objetivo atu fahe informasaun ba militantes, simpatisantes no publiku liu husi: texto, data, imagem, video no atributos sira nebe liga ba atividade AMP nian iha Norte Irlanda antes, durante no depois kampanya ba Eleisaun Parlamentar Antesipadas (EPA) no mos atividade seluk AMP halo iha Norte Irlanda. Akompanya mos ami Facebook no Youtube.

Impasse politiku nebe mosu durante ne’e laos deit halo lider politiku sira preokupadu maibe povu Timor laran tomak nune’e mos Timor Oan sira nebe hela iha diaspora tuur la hakmatek. Hot-hotu buka halibur malu tau hanoin hamutuk hodi hatan lalais ba krize politika ne’e, liu husi halo resenceamentu, atualiza kartaun eleitoral hodi ba tuir votasaun iha 12 de Maio 2018 hodi fo vitoria esmagadora ba AMP.

Hau, imi no ita hotu fiar katak so AMP deit mak bele assegura Paz no Estabalidade iha ita nia rain doben Timor Leste; AMP deit mak bele louva, honra no tane Povu nia dignidade nudar ema no nudar Timor Oan; AMP deit mak bele fo no garante liberdade de expressaun; AMP deit mak bele tane as kultura no lisan povu Timor nian; AMP deit mak bele hametin unidade no hadia Estadu de Direitu Demokratiku no defende ho laran moos riku-soin Timor Oan tomak nian nebe ema balun hakarak penor ba ema seluk durante tinan barak nia laran.

Wainhira manan tiha Eleisaun Parlamentar Antesipadas, Aliansa Mudansa ba Progresso iha Norte Irlanda hakarak propoen ba estado loke konsuladu RDTL hodi tau matan no hatan ba necessidades Timor Oan tomak nebe hela iha ne'e. Sei kria mos organizasaun ida hodi promove kultura Timor no lian ofisial ba gerasaun foun Timor Oan nebe hela iha Norte Irlanda, nune’e loron ruma fila ba Timor labele sai fali ema estrangeiro iha sira nia rain rasik.

Mai Ita Hamutuk Hametin Nasaun

Obrigado barak

Antao Aparicio Guterres

Koordenador AMP Norte Irlanda

MENSAGEN HUSI PORTA VOZ AMP

Inan no Feton ho Maun no Alin sira iha rai tasi balun:

Inglaterra, Irlanda do Norte, Australia, Portugal ho Koreia do Sul.

Saudacoes Combativas husi Timor Leste.

Timor hau nian, imi nian no ita hotu nian. Iha nebe deit ita hela ba, moris no servisu ba, ita nunka fila kotuk ba ita nia rain; rai nebe ita husar talin kotu ba, no rai nebe ita sei horik loron ida no ba nafatin rohan laek.

Hanesan ne'e iha tempo uluk, agora no aban bainrua. Hanesan ne'e iha tempo at no diak. Hanesan ne'e mos iha tempo funu no paz.

Ohin iha ita rain ami prepara-an makas no lai los atu fo dala ida tan, ami nia kontribuisaun ba festa demokrasia ou Eleicoes Parlamentares Antecipadas.

Maibe ami mesak la kompletu. Karik kapas no furak liu tan, se imi participa no kontribui mos! Hanesan iha tempo luta ba Independencia ninian, ita hamutuk hetan ona ita nia Ukun Rasik-an no agora hamutuk fali ho IMI mak Ita sei forte liu tan.

Tamba ne'e, hau, imi nia belun no kompanheiro, TAUR MATAN RUAK, husu hodi AMP nia naran atu imi, labele falta iha centru de votasaun nebe besik atu exerce imi nia direito hodi vota ba AMP, nebe sei akontese iha dia 12 de Maio 2018.

Labele haluha:ita bele lakon, se maluk balun haluha la ba vota iha loron importante ida ne'e! Buka malu ba, aviza malu ba, hotu-hotu, rame-rame ba vota ba Timor Leste ninia futuro no futuro ita hotu nian!

Hamutuk ho IMI, Ita hametin Nasaun.

Longe da vista mas perto do meu coracao ou Jauh di mata tapi dekat di HATIKU.

GOD BLESS YOU ALL

adeus

TAUR MATAN RUAK 

PLANO GERAL AMP BA 2018 - 2023

PLANO GERAL AMP 2018 – 2023

Plataforma Aliansa ba Mudansa no Progresso liu husi slogan “fiar-an lao ba oin; hisik kosar ba moris diak no tane o lisan, tane o rain, tane o emar” hakarak realiza povo nia mehi iha tinan lima oin mai liu husi programa hirak ne’e:  

A). INTERESSE NASIONAL

• Kontinua manten Paz no Estabilidade; 
• Hatuur hikas KRDTL iha fatin aas, 
• Tane as Lei no Ordem;  
• Kontinua luta ba Timor nia Riku-soin; 
• Kontinua investe iha Projetu Tasi Mane;  
• Kontinua halo Desentralizasaun, inklui ba RAEOA; 
• Kontinua reforsa F-FDTL no PNTL + Instituisaun seluk;  
• Kontinua FDCH – Investe iha Kapital Humano; 
• Reforsa liutan KAK – Kombate Korupsaun; 
• Reforsa no investe liutan iha setor Justisa; 
• Kontinua Fornese Eletricidade ba Povu; 
• Resolve Problema be’e iha capital Dili (TR seidauk autoriza Projetu ba Bee), kontinua dada bee iha suku sira; 
• Kontinua halo uma ba kbiit laek; 
• Kontinua halo Estrada capital ba Munisipio, Munisipio ba Posto Administrativu, Estrada Rural;  
• Reabilita Aeroporto Nicolau Lobato, Kontinua Portu Tibar;  
• Kontinua Investe iha Telekomunikasaun inklui Fiber Optic; 
• Kontinua subsidio ba Veteranu, kontinua hadiak dadus; 
• Kontinua subsidio ba idozu/feto faluk, bolsa ba kbi’it laek no oan kiak husi kombatente sira, kontinua bolsa da mae; 
• Kontinua reforma fiscal, kontinua auditoria ba kompanhia mina hodi salva povu nia osan (2011 – 2017 salva ona $400m); 
• Kontinua investe iha saude, agrikultura, edukasaun;  
• Kontinua dada investor husi liur, investe iha turismu;  
• Kontinua programa foin – sae, desportu, reativa artes marsiais, formasaun professional, kria emprego.

B). INTERESSE LOKAL

• HARI KONSULADU RDTL IDA IHA NORTE IRLANDA
• HARI ASSOSIASAUN HODI PROMOVE KULTURA NO IGUALDADE
• DEFENDE BOLSA ESTUDU BA TIMOR OAN SIRA IHA DIASPORA
• HALO DEKRETU-LEI, LORI ASPIRASAUN TIMOR DIASPORA BA PN
  
  #